எங்கே பார்க்கிறாய் செல்லம்மா
என்ன வேணுமடி கண்ணம்மா
பொங்கும் அழகி செல்லம்மா - கறும்
பூ ரெண்டு உனது கண்ணம்மா
மின்னும் அழகில் நீயம்மா - நீ
மேனி பூத்த பூவம்மா
கண்ணில் பாயும் தேனம்மா - உனைக்
கண்டால் பசி ஏதம்மா
வானம் உனக்கு வேணுமா - அந்த
நிலவில் படுக்கை போதுமா?
மௌனம் உனக்கு ஏனம்மா - தமிழ்
மொழியில் நீயும் பாடம்மா
தர்மபுரியில் அதர்மமா - அங்கே
தலித்து வாழ்க்கை தகனமா
மர்ம வாழ்க்கை மாறுமா - சாதி
மறைந்து மண்ணில் போகுமா
யாரைக் கேட்க?...சொல்லம்மா - ஒரு
பதிலைச் சொல்லு செல்லம்மா
ஊரு சேரி ஒண்ணம்மா - இந்த
உலகத்துக்குச் சொல்லம்மா
கருத்துகள்
கருத்துரையிடுக