உலகம் யாவையும்

சாதி   சாதி சட்டை போன்றது அன்பு தோலைப் போன்றது இந்த மனிதர்கள் விநோதமானவர்கள்..... சட்டையைக் கழற்ற மறுக்கிறார்கள் தோலை  உரித்துக் கொள்கிறார்கள் ! மனிதம் சாதி -- சட்டையளவிற்கும்  சமானமற்றது... அன்பு -- தோலைப் போன்று  சுருங்காதது  எப்போது இந்த மனிதர்கள்  புரிந்து கொள்வார்கள் ? "நிர்வாணம் என்பதே நிஜம்" ​                                   --நா.வே.அருள்  

உயரத்திலிருந்து யோசிக்க வேண்டும்  சற்றுச் சிந்திக்கத்தான் வேண்டும்  குழப்பமான சமூகத்தில்தான்  குடியிருக்கிறோம் நாம்  குப்பைகள் கிளற கோழிகள் போதும்  தானிய மணிகளை விதைக்கத்  தவங்கிடக்கிறோம்  நாமோ...மனிதர்கள்  மூச்சு விட்டு மூச்சு விட்டு  வெறும் காற்றுத் தொந்தியாவதற்கா  நுரையீரல் ? அடிமைகளை உருவாக்கும்  நோய்க்குடுவையா அன்னையின் கருப்பை ? கர்ஜனைகளை நேசிப்பவன்  குகைகளை உருவாக்குகிறான்  கானங்களை நேசிப்பவன்  குயில்களை.... சற்றுச் சிந்திக்கத்தான் வேண்டும்  யார் நல்லவரென்றும் எது நல்லதென்றும்   இன்னும் புரியவில்லை  பிணங்களை உற்பத்தி செய்கிற  போலி உயிரா ? யுகங்களை உயிர்ப்பித்துவிடுகிற  சாகாத சடலமா ? அடுத்த நூற்றாண்டின் சிம்மாசனமா ? போன நூற்றாண்டின் புதைமணலா ? கரியமில வாயுவா ? ஓசோன் படலமா ? சிகரமா ? பள்ளத்தாக்கா ? சற்றுச் சிந்திக்கத்தான் வேண்டும்  என்ன செய்யப்  போகிறோம் நாம்? வேட்டையின் வேட்கையில்  வில் அம்பில் விரல் பதிப்போமா  விருட்சக் கனவில்  விதை ஊன்றுவோமா ... உருட்டுக் கட்டைகள் ... பெட்ரோல் குண

http://kungumamthozhi.wordpress.com (உலக தாய்ப்பால் வாரம் ஆகஸ்ட் 1-7) எனக்குக் கிடைக்காத பால் எல்லோருக்கும் கிடைக்கிறது எனது கவிதை "ஒரு வாய் கடல்" மூலமாக ( ஆனால் அன்று பால் சுரக்காத என் தாயின் பரிதவிப்பு இன்னும் பதிவு செய்யப்படாத பாற்கடல்...).தவிப்புகளை எல்லாம் மீறி அருந்தலாம் வாருங்கள்...இது கவிதைத் தாய்ப்பால்.... ஒரு வாய் கடல்  உலக விஞ்ஞானத்தின் மொத்த சூட்சுமத்தையும் கருப்பைக்குள் அடைகாக்கிறாள் தாய்  தாய் குழந்தையைப் பெற்றெடுத்தாலும் குழந்தைதான் தாயை வளர்த்தெடுக்கிறது  தாய்க்கு மூன்று இதயங்கள் இரண்டில் பால் கசிகின்றன ஒன்றில் அன்பு… மண்ணுக்கு மழைநீர்...மழலைக்குத்  தாய்ப்பால்  தாய்ப்பால்… கடலில் அல்ல...உடலில் கடைந்த உயிரமுதம்  யாருக்கு வாய்க்கும் இலவச சத்துணவு குழந்தைக்குத்தான் மடியில் படுத்துண்ணும் மாபெரும் பாக்கியம்  அறுநூறு வகை உயிரிகள் இருநூறு வகை இனிப்புப் புரதங்கள் உண்டால் உறக்கம்   மச  மச  கிறக்கம் ஆயுள் முழுக்க நோய்கள் மரிக்கும் போஸான் அணுத்துகளே … புரியவில்லையே தரணியே அதிசயிக்கும்  இந்த தசை “பாட்டில்” தயாரிப்பு மார்பகம

ஒரு முடிவுறாத கடிதம்                                                                                                                                                      ஆதி பெருந்தேவன்  முன்னாள் ஜெர்மானிய அதிபரும் அடால்ப் ஹிட்லரின் பிரச்சார அமைச்சருமான பால் ஜோசப் கோயபல்ஸ் அவர்களுக்கு இந்தியாவின் கடைசிக் குடிமகன் எழுதிக்கொள்ளும் கடிதம். உங்கள் திறமையும் பேச்சாற்றலும் உலகறிந்த உண்மை. பொய்யைப் பற்றி உண்மை அறிந்து இருக்கிறதோ இல்லையோ... உண்மையைப் பற்றி நிறையவே பொய் தெரிந்து வைத்திருக்கும்.    பொய் இன்னொன்றையும் புரிந்து வைத்திருக்கிறது... அதாவது மக்களுக்கு மறதி அதிகம். நம்புவதற்கு ஒரு நாடே இருக்கிறபோது நாக்கு கூச்சத்தை  மறந்து விடுகிறது. டாக்டர் கோயபல்ஸ் அவர்களே...உலகில் நாசிசம் பரப்பிய ஹிட்லர் கட்சியின் பெயர்: "தேசிய சமுதாய தொழிலாளர் கட்சி".  பெயரில் என்ன இருக்கிறது என்று நினைக்கலாம்... பெயரில் எவ்வளவோ இருக்கிறது!...உங்கள் முதல் பொய் பெயரில்தான் தொடங்கி இருக்கிறது!  ஜெர்மானிய சமத்துவக் கட்சி மற்றும் ஜெர்மானிய கம்யூனிஸ்ட் கட்சி ஆதரவாளர்களை உங்கள் பக்கம் இழுக்க &q